Bupati Gresik, Fandi Akhmad Yani (Gus Yani) panen jeruk seng biasa kanggo soto nek desa Kebonagung, kecamatan Ujung Pangkah, Gresik, Jumat (04/03/2022).
Nurul Harmaini Fandi Akhmad Yani (Ning Nurul) barengi Gus Yani pas panen jeruk.
Bupati Gresik Iki karo petani jeruk gayeng seru olehe ngobrol. Ora arang wong-wong mau (petani) wadul polae rega dodolan jeruk saiki mung Rp. 800 – 900 saben kilogram.
Gus Yani nyudokno, potensi ekspor UMKM saka Desa Kebonagung, Kecamatan Ujung Pangkah cukup gedhe. Saben wulan desa kasebut bisa ngasilake 2 – 3 ton woh jeruk saben hektar. Sayange yen regane mung Rp. 900 rupiah saben kilogram.
Gus Yani ngandani, sawetara pasar manca, koyok Malaysia lan Singapura, kepengin tuku jeruk saka Gresik, lan Alhamdulillah wes isok dikirim menyang negara loro kasebut.
Here Gus Yani butuh coro liyo kanggo ngembangno produk pertanian neng Deso Kebonagung Iki.
“Kanthi kapasitas sing gedhe iki, perlu strategi pangembangan, salah sijine jangkoan pasar sing ora mung lokal, nanging uga menyang pasar luar negeri kanthi bantuan sing terus-terusan lan tansah aktif komunikasi karo Atase seng nak luar negeri supaya diwenehi kesempatan promosi terus. nganti entuk juragan nak luar negeri. Isok nak Singapura utowo Malaysia,” dawuhe Gus Yani.
Ing Desa Kebon Agung, Kecamatan Ujung Pangkah, kandhane Gus Yani, potensi jeruk nipis pancen luar biasa. Kebon jeruk sing ambane 450 hektar iki bisa ngasilake rata-rata 2 nganti 3 ton jeruk saben sasi, lan siap dipanen saben wulan.
Dheweke ngarepake kanthi nyengkuyung sektor ekspor saka Gresik bisa nyepetake pemulihan ekonomi daerah uga mujud-ake Program Nawa Karsa Gresik Anyar. (Tik)
